ABŞ-ın İrana güc göstərişi: Hərbi hava qüvvələri və uzaqmənzilli raketlərin nümayişi
ABŞ administrasiyası, İrana qarşı mümkün güc tətbiqində hava qüvvələri və uzaqməsafəli raketlərin əsas element olduğunu hesab edir.
Bizimyol.info xəbər verir ki, bu barədə CBS telekanalı mənbələrə istinadən məlumat yayıb.

Mənbələrin sözlərinə görə, ABŞ Prezidenti Donald Trampa İrandakı vəziyyətə reaksiya vermək üçün mümkün olan variantlar barədə məlumat verilib. Bunlar arasında "kiberhücumlar, eləcə də komandaların strukturunu, rabitə sistemlərini və dövlət mediasının işini pozmaq məqsədilə psixoloji kampaniyalar" da var. Telekanalın mənbələrinə görə, bu tədbirlər həm təkbaşına, həm də ənənəvi güc tətbiqi ilə eyni anda həyata keçirilə bilər.

CBS bildirir ki, hava qüvvələri və uzaqməsafəli raketlər hər hansı bir mümkün hərbi cavabın əsas elementi olaraq qalır. Mənbələrə əsasən, Pentaqon məmurları belə ssenariləri nəzərdən keçirirlər ki, "münaqişə yalnız zərbələrlə məhdudlaşmayacaq, həmçinin rəqəmsal sahədə uzunmüddətli əməliyyatlar və psixoloji təzyiq kampaniyalarını da əhatə edəcək".