Dünyanın ən məşhur iş adamlarından biri, “Billioaire” və “Porto Cervo” kimi populyar əyləncə məkanlarını sahibi, italyan milyarrder Flavio Briatorenin məhkəməsi başa çatıb.
65 yaşlı iş adamı vergidən yayınmaqda suçlanıb.
O, 30 milyon avro dəyərində, 67 metr uzunluğunda “Force Blue” adlı yaxtasını “Autumn Sailing Limited” adlı şirkət vasitəsilə vergidən yayındırıb, bu minvalla 3,5 milyon avro məbləğində vergi ödəməyib.
Genuya Şəhər Məhkəməsinin qərarı ilə F.Briatore 1 il 11 ay müddətinə azadlıqdan məhrum edilib, “Force Blue” isə müsadirə olunub.
F.Briatore 35 yaşlı xanımı Elizabeta Qreqoraçi və 5 yaşlı oğlu Falko ilə birlikdə bu yaxınlarda Türkiyənin Bodrum kurortunda yaxtada dincəlmişdilər.
/Milli/