Tovuz rayonunda baş vermiş dəhşətli qətl hadisəsinin görüntüləri yayılıb.

İnterAz xəbər verir ki, hadisə sentyabrın 21-də rayon avtovağzalında yaşanıb. Belə ki, 24 yaşlı Alakol kənd sakini Aytəkin İbrahimova həyat yoldaşı 31 yaşlı Taleh Hüseynov tərəfindən çoxlu sayda bıçaq xəsarətləri ilə qətlə yetirilib. İki övlad anası olan Aytəkin İbrahimova hadisə yerindəcə dünyasını dəyişib.

Mərhum Aytəkin İbrahimova son günlər həyat yoldaşı Taleh Hüseynovla şəxsi münasibətlər zəminində problemlər yaşayıb.

Qeyd edək ki, bir müddət Rusiya Federasiyasında olan Taleh Hüseynov yaşadığı kəndə bir neçə gün öncə gəlibmiş.

Qətli törədən 31 yaşlı Taleh Hüseynov saxlanılıb. Faktla bağlı araşdırma aparılır.
[media=https://www.youtube.com/watch?v=u4jCqSq-kXw]