Səudiyyə Ərəbistanı milli komandası futbol 2026-cı il dünya çempionatının seçmə mərhələsində İraqla ev oyununda heç-heçə etdikdən sonra mundialın final mərhələsinə vəsiqə qazanıb.

Oxu.Az xəbər verir ki, Ciddədə keçirilən B qrupunun görüşü 0:0 hesabı ilə başa çatıb.

Səudiyyə Ərəbistanı dünya çempionatında üçüncü dəfə ardıcıl iştirak edəcək.

Həmçinin oktyabrın 14-də Qətər yığması BƏƏ-ni 2:1 hesabı ilə məğlub edərək, turnirin final mərhələsində iştirak etmək hüququ qazanıb.

Qeyd edək ki, 2026-cı il dünya çempionatı iyunun 11-dən iyulun 19-dək ABŞ, Kanada və Meksikada keçiriləcək.