Uğurcan Çakırın zədələnməsindən sonra meydana çıxan “Qalatasaray”ın qapıçısı Günay Güvenç Monako ilə səfər matçında altıncı saniyədə qol buraxıb.

Referans Media xəbər verir ki, bununla da o, anti-rekord edərək tarixə düşüb.

Zədə səbəbi ilə oyunu davam etdirə bilməyən Uğurcan Çakır əvəzləndikdən dərhal sonra, onun yerinə meydançaya daxil olan Günay Güvenç böyük şok yaşayıb. Monakonun künc zərbəsi zamanı hələ mövqeyini tam tuturmuş kimi görünməyən təcrübəli qapıçı qərarsızlıq edib. O, əvvəlcə topa müdaxilə etməkdən çəkinib, daha sonra qapıya qayıtmağa çalışsa da, Folarin Balogunun yaxın məsafədən endirdiyi zərbənin qarşısını ala bilməyib.

Günayın cəmi 6 saniyə sonra, 67:35-də qol buraxması tənqidlərə səbəb olub.

Qeyd edək ki, “Qalatasaray” səfərdə “Monako” ya 1:0 hesabla məğlub olub.