Argentina millisi və ABŞ-ın “İnter Mayami” klubunun futbolçusu Lionel Messinin Hindistana səfəri böyük narazılıqla qarşılanıb.

Globalinfo.az xəbər verir ki, Messinin Kəlküttəyə səfəri etiraza səbəb olub.

Məlumata görə, futbolçunun insanlarla görüşəcəyi stadiona 70 min nəfərdən çox fanat toplanıb. Onlar saatlarla gözləyiblər, lakin Messi sadəcə 10 dəqiqə stadionda görünüb, sonra gedib. İnsanlar onu görə bilmədikləri və az qaldığını söyləyərək narazılıq ediblər. Daha sonra gərginlik böyüyüb və stadiona zərər verməyə başlayıblar.

Həmçinin Messinin baş çəkəcəyi Dehli, Mumbay və Əhmədabad şəhərlərində də insanlar küçələrə axışıb. Polis yolların hərəkətini təmin etməkdə çətinlik çəkir. Təhlükəsizlik tədbirləri səbəbindən Messinin burada ucaldılan 21 metrlik heykəlinin açılışına video görüşlə qatılacağı bildirilir.