FIFA ABŞ millisinin hücumçusu Folarin Baloqanı dünya çempionatının 1/16 finalında Bosniya və Herseqovina yığmasına qarşı matçda aldığı qırmızı vərəqəyə görə 40 000 dollar məbləğində cərimə etmək barədə qərar qəbul edib.

Oxu.Az xəbər verir ki, bu barədə jurnalist Rob Harris "X" sosial şəbəkəsindəki hesabında yazıb.

* DÇ-2026-da qırmızı vərəqə qalmaqalı: UEFA-dan FIFA-nın Baloqanla bağlı qərarına sərt reaksiya

* Tramp: "FIFA-dan Baloqanın diskvalifasiyasını ləğv etməsini istədim"

Məlumatda qeyd olunur ki, sözügedən məbləğin yarısını ABŞ Futbol Federasiyası (USSF) ödəyəcək.

Qeyd edək ki, F.Baloqun Bosniya və Herseqovina ilə matçda qırmızı vərəqə almışdı. Qaydalara əsasən, o, DÇ-2026-nın 1/8 final mərhələsində Belçikaya qarşı keçiriləcək oyunda iştirak etməməli idi. Lakin FIFA-nın İntizam Komitəsi Baloqunun diskvalifikasiyasını şərti olaraq dayandırıb və ona qarşıdakı vacib görüşdə meydana çıxmağa icazə verib.