Məşhur "Sən gəlməz oldun", "Məhəbbət olmayanda" şeirlərinin müəllifi Mədinə Gülgün həyat yoldaşı. Xalq şairi Balaş Azəroğlu ilə, 1949-cu il. Bu gün Mədinə Gülgünün anım günüdür.
MƏHƏBBƏT OLMAYANDA
Açılmaz könlüm, gözüm,
Quruyar söz dənizim.
Qalmaz nişanəm,izim
Məhəbbət olmayanda.
Heçdi şöhrət də, ad da,
Təntənə də, busat da.
Boş görünər həyat da
Məhəbbət olmayanda.
Sular sahilə qonar
Qumlar çimər, yuyunar.
Ürəyim buztək donar
Məhəbbət olmayanda.
Qartal qonarmı dağa,
Şeh düşərmi yarpağa.
Olmaz el-elə arxa
Məhəbbət olmayanda.
Hər söz könül deməkdir,
Hər söz çarpan ürəkdir.
Söz buza dönəcəkdir
Məhəbbət olmayanda.
Gəl dünyanı dolan, gəz,
Bu dünyaya inan gəz.
Bir toxum da cücərməz
Məhəbbət olmayanda.
Anar Tağıyev
TEREF