ABŞ İran daxilində etirazların yatırılmasında və nümayişçilərin öldürülməsində iştirak etmiş iranlı məmurlar və hərbi şəxslərə qarşı "nöqtəli zərbələr" endirmə imkanını nəzərdən keçirir.
Zərbələr artıq yaxın vaxtlarda həyata keçirilə bilər. Tramp administrasiyasında İran hakimiyyətinin dəyişdirilməsi ssenarisi hələ də istisna edilmir.
ABŞ Yaxın Şərqdə hərbi mövcudluğunu gücləndirib, aviadaşıyıcı zərbə qrupunu, Patriot və THAAD hava hücumundan müdafiə sistemlərini bölgəyə yerləşdirib, həmçinin raket tədarükünü kəskin artırıb.
ABŞ kəşfiyyatı Donald Trampa bildirib ki, İran kritik vəziyyətə yaxın mərhələdədir və Tehrandakı ayətullah rejiminin mövqeləri ciddi şəkildə zəifləyib.
Bu fonda aparıcı ABŞ mediasında İranın vurulacağına dair demək olar ki, şübhə qalmayıb. Məsələ artıq "olacaqmı?" deyil, "zərbələr nə dərəcədə genişmiqyaslı olacaq?" sualıdır.
Kamran Cəfərov
TEREF