İranı təbliğ edənlər iddia edir ki, guya Fars körfəzində 1600 tanker dayanıb və Tehran Hörmüz boğazını bağlayaraq dünyanı diz çökdürüb. Bu, fakt yox, açıq təbliğatdır.
Reallıq sadədir: normalda Hörmüzdən təxminən 40–70 tanker keçir. Gərginlik fonunda bu rəqəm azalıb, bəzi hallarda 10–15 gəmiyə düşüb. Amma bu, blokada deyil — riskli və nəzarətli keçiddir.
1600 tanker rəqəmi isə elementar hesablamaya belə tab gətirmir. Bu, həftələrlə bütün trafikin dayanması deməkdir. Əgər bu baş versəydi, neft qiymətləri partlayar, qlobal bazarlar çökərdi. Belə bir şey yoxdur.
Həqiqət budur: İran boğazı bağlamayıb, sadəcə gərginlik üzərindən siyasi təsir yaratmağa çalışır.
Bu isə “güc nümayişi” yox, informasiya manipulyasiyasıdır.
Geopolitikada ən ucuz silah şayiədir. Ən təhlükəlisi isə ona inananlardır.
Elbeyi Hesenli
TEREF