Təqribən 10-12 ildir ki, hər bazar günü müxtəlif mövzularda, "düşünmək üçün", yazılar yazıram, bir tanışım yığıb hamısını, deyir ki, hardasa, 700 səhifəlik kitab alınar.
Bu gün sadə, qısa bir mətn yazdım, Bakı-Tbilisi qatar beletləri və İstanbul-Sofiya qatar biletləri qiyməti haqqında (tam eyni məsafədir) sonda qeyd etdim ki, özünüz düşünün. Kiçik bir eksperiment idi - şərhlərdə bir qism məni ADY nin tərəfində olduğumu, bir qism hər iki ölkədə minimum əmək haqqını niyə yazmadığımı, bir qism də hökuməti müdafiə etdiyimi yazdı.
Dəhşətdir, adi 2 gedişli düşünmə düsturu idi - bu bacarıqsız hökuməti məndən çox rəqəm və arqumentlərlə tənqid edən yoxdur, qışqıran, bağıran boşboğazları demirəm ha, arqument deyirəm.
Düşünməyə dəvətin də məğzi o idi ki, Türkiyənin sərhədləri tam açıqdır, açıq sərhəd rejimində qatar biletini 75 manata satırlar, bizdə hələ ki, məntiqsiz olaraq sərhəd bağlıdır. Mesajım da o idi ki, sərhəddi tam açın, sonra təyyarəyə, qatara nə qiymət istəsəniz təyin edin.
Türkiyədə SEÇİM var, açıq sərhəd var, bir daha - cəmi iki addımlıq düşünmək üçün konstruksiya təklif etdim. Deyəsən, alınmadı, təəssüf ki, alınmadı...
Natiq Cəfərli
TEREF