Meqastar Tarkan İstanbuldakı 10 konsert seriyasını böyük maraqla başa vurub.

Türkiyə mediası xəbər verir ki, dünyanın bir çox yerindən insanların qatıldığı konsertlərdə Tarkanı dinləməyə gələnlər arasında məşhur adlar yer alıblar. Hər konsertində isə ifaçı bir müğənni ilə səhnə bölüşüb.

Bütün konsertlərin biletləri satılıb qurtardığı tədbirlərdən ifaçının nə qazandığı maraq doğurub. Türk mediasının yazdığına görə Tarkan konsertlərdən təxminən 500 milyon lirə (təxminən 20 milyon manat) qazanıb.

Tarkan Cem Yılmaz, Sibel Can, Ata Demirer və Ajda Pekkanı gecədə qonaq edib və həmçinin tamaşaçılar sırasındakı sənətçi dostlarını salamlayıb.