Məşhur aktrisa Enn Heteuey qatıldığı proqramların birində həmkarı Meril Stripi zarafatla "Şeytan Prada geyinir" filminin birinci hissəsindəki əfsanəvi göy sviterini oğurlamaqda günahlandırıb. "Demək, o, bura gedibmiş!" deyə zarafat edən aktrisanın bu çıxışı izləyicilər tərəfindən maraqla qarşılanıb.

Ötən həftə Seulda filmin ikinci hissəsinin premyerasına qatılan ulduzlardan 76 yaşlı Meril Strip qırmızı şalvar kostyumu ilə, Enn Heteuey isə qara dəri şalvar və həcmli qollu koftası ilə diqqət mərkəzində olublar.

Premyeradan əvvəl isə Enn Heteuey Milanda "Bvlgari" zərgərlik evinin yeni kolleksiyasının təqdimatında iştirak edib. Həmin gecə üçün dərin dekolteli və qırmızı rəngli möhtəşəm bir don seçən aktrisa obrazını iri zümrüd qaşlı boyunbağı və qızılı klatçla tamamlayıb. Hər iki tədbirdə zərif saç düzümü və makiyajı ilə parıldayan aktrisalar bir daha moda dünyasının diqqətini öz üzərlərinə çəkməyi bacarıblar.