29 oktyabr 1907-ci ildə Gədəbəydə, alman kolonist ailəsində anadan olub.
Atası Gədəbəydə fəaliyyət göstərən "Siemens qardaşları" şirkətinin direktoru vəzifəsində çalışıb.
1921-ci ildə Azərbaycan bolşeviklər tərəfindən işğal edildikdən sonra, ailəsi ölüm təhdidləri səbəbindən Almaniyaya qaçmağa məcbur olub.
1927-ci ildə Almaniya Hərbi Dəniz Donanmasına (Reyxsmarine) daxil olub.
1935-ci ildə Almaniyanın yenidən qurulan sualtı qüvvələrinə qoşulan ilk zabitlərdən biri olub.
1936-cı ildə U-14 sualtı qayığının komandiri kimi İspaniya sularında hərbi tapşırıqlar yerinə yetirib.
1940-cı ildə U-37 qayığının komandiri olarkən cəmi 24 gəmi batırıb.
Göstərdiyi hərbi nailiyyətlərə görə 1940-cı ilin oktyabrında Cəngavər Xaçı (Ritterkreuz) ordeni ilə təltif edilib.
1941-ci ilin noyabrında Aralıq dənizindəki sualtı qayıqların komandanı, 1942-ci ildən isə həmin bölgənin qərargah zabiti olub.
1942-ci ilin iyulunda Şimali Afrikada ağır yaralanaraq ingilislərə əsir düşüb; 1943-cü ildə əsir mübadiləsi ilə azad edilib.
Müharibədən sonrakı dövrdə Almaniyanın Bonn şəhərində "Siemens" şirkətində rəhbər vəzifələrdə çalışıb.
Uşaqlıq illəri haqqında bunları deyib: "Bizim aşpaz və xidmətçilərimiz ermənilər, sürücü və ev işlərinə kömək edənlər ruslar, bağbanlar və gözətçilərimiz isə tatarlar (azərbaycanlılar) idi."
26 dekabr 1997-ci ildə, 90 yaşında vəfat edib.
"Azərbaycan Tarixi"ndən
Həqiqət İbrahimova