ABŞ-nin Nyu-York şəhərinin mərkəzində yenidən qurulan göydələndə beş mərtəbə və iki daşıyıcı sütun qismən çöküb.

Oxu.Az xəbər verir ki, bu barədə yerli "PIX11" nəşri məlumat yayıb.

Məlumata görə, deformasiya binanın 21-ci mərtəbəsindən 26-cı mərtəbəsinədək olan hissəni əhatə edib. Bina ofisdən yaşayış kompleksinə çevrilmək üçün yenidən qurulurdu.

Hadisə nəticəsində xəsarət alan olmayıb. Binanın ətrafı polis tərəfindən mühasirəyə alınıb, nəqliyyatın hərəkəti dayandırılıb. Hadisə yerinə fövqəladə xidmətlərin əməkdaşları cəlb olunublar.