Qazaxıstanda keçirilən genişmiqyaslı yoxlamada 190 ərzaq növü “qara siyahı”ya salınıb.

Avropa.info xəbər verir ki, qadağa siyahısında Rusiya istehsalı mallar da var. Həmçinin Belarus və Ukrayna istehsalı olan bəzi ərzaq malları da qadağa olunub. Bura şirniyyat, quş əti və məhsulları, makaron məmulatlar, yağlar daxildir.

Rusiyanın “qara siyahı”ya salınmış malları arasında broyler toyuğu, şirniyyatlar var, “Tuc” peçenyeləri var.

“Rollton” firmasının vermişellərində, “Ryaba” mayonezində yüksəl miqdarda kif göbələyi aşkarlanıb. “Kubanskaya semeçka” günəbaxan yağında isə normadan artıq rütubət və uçucu maddələr tapılıb.

Qazaxıstan istehlakçıların hüquqları müdafiəsi fondu bu malların Gömrük İttifaqının tələblərinə uyğun gəlmədiyini bəyan edib.