Rusiyanın Krasnodar şəhərində etiraz aksiyası keçirilib.

Axar.az xəbər verir ki, təqaüdçülər yaşlı insanlar üçün nəzərdə tutulmuş sərnişindaşımada güzəştli qanunun ləğvinə etiraz ediblər.


Krasnodar meriyası qarşısında toplaşan təqaüdçülər əvvəlki qanunun bərpasını tələb ediblər.

Krasnodar meriyasının nümayəndəsi Andrey Alekseyenko etirazçıların yanına gedərək tələblərin sabahdan etibarən yerinə yetiriləcəyini bildirib.

Rəsmi məlumatda aksiyada 300, qeyri-rəsmi məlumatda isə min etirazçının iştirak etdiyi qeyd edilib.

Qeyd edək ki, bu ilin 1 yanvarından etibarən təqaüdçülər üçün sərnişindaşımada nəzərdə tutulan güzəşt ləğv edilmişdi. Dəyişiklikdən öncə təqaüdçülər sərnişindaşımadan istifadə üçün 420 rubl deyil, 200 rubl ödəməli olurdular.