Kosmos araşdırmaları sürətlənərkən, uzun məsafəli insanlı uçuşların qarşısındakı əsas problem yanacaq çatışmazlığıdır.

Bu maneəni aşmaq üçün həm “SpaceX”, həm də “Blue Origin” orbitdə yanacaqdoldurma sistemi üzərində işləyir.

İlon Maskın “SpaceX” şirkəti “Starship” raketləri üçün orbitdə yanacaq deposu yaratmağı planlaşdırır. Bu modeldə bir “Starship” depo rolunu oynayacaq, digər uçuşlarla doldurulacaq və Ay səthinə eniş aparatı həmin depodan yanacaq götürəcək.

Ceff Bezosun “Blue Origin” şirkəti isə “New Glenn” raketi ilə orbitə buraxılacaq “daşıyıcı” aparat vasitəsilə Ay orbitində yanacaq təminatı sistemini nəzərdə tutur. Bu yanaşma artıq NASA-nın “Artemis” proqramı çərçivəsində qiymətləndirilməyə başlanılıb.

Mütəxəssislərə görə, kosmosda yanacaqla işləmək çətin olsa da, bu texnologiya gələcəkdə Ay və Marsa insanlı missiyaların açarı olacaq.