Birləşmiş Ştatlar administrasiyası Çini Tayvana hərbi təzyiq göstərməyi dayandırmağa çağırır.

Oxu.Az xəbər verir ki, bu barədə ABŞ Dövlət Departamentinin bəyanatında deyilir.

"Çinin hərbi sahədəki hərəkətləri və Tayvana, eləcə də regionun digər ölkələrinə qarşı ritorikası gərginliyi əsassız olaraq artırır. Birləşmiş Ştatlar Tayvan boğazında sülh və sabitliyi dəstəkləyir və status-kvonun birtərəfli qaydada dəyişdirilməsinə, o cümlədən güc tətbiqinə və ya məcburetməyə qarşı çıxır", - deyə bəyanatda qeyd olunur.

Xatırladaq ki, daha əvvəl Çin ordusu Tayvan adası ətrafındakı akvatoriyada və hava məkanında genişmiqyaslı təlimlərini başa çatdırıb.