Hindistana məxsus təyyarə hava boşluğuna düşdü: Xəsarət alanlar var
Bu gün, 00:11
Hindistanın “Air India” aviaşirkətinə məxsus təyyarə hava boşluğuna (turbulentlik) düşüb, nəticədə 17 nəfər xəsarət alıb.
Bu barədə NDTV telekanalı məlumat yayıb.
Bildirilib ki, Tailandın Phuket adasından Nyu-Delhiyə uçan təyyarə hava boşluğuna düşüb və hündürlüyü qəfil dəyişib. Hadisə nəticəsində 13 sərnişin, həmçinin dörd ekipaj üzvü xəsarət alıb.
Aviaşirkətdən verilən məlumata görə, təyyarə hava limanına təhlükəsiz eniş edib və bütün sərnişinlər və ekipaj üzvləri təyyarəni tərk ediblər.
