“Apple” şirkəti iPhone 18 seriyasını iki mərhələdə təqdim edə bilər.

Gununsesi.info xarici mediaya istinadən xəbər verir ki, iPhone 18 Pro, iPhone 18 Pro Max və şirkətin ilk qatlanan iPhone modeli 2026-cı ilin sentyabrında təqdim ediləcək. Standart iPhone 18, iPhone 18e və ikinci nəsil iPhone Air isə 2027-ci ilin yazında satışa çıxarıla bilər.

İddialara əsasən, iPhone 18 Pro modellərində yeni A20 prosessoru, təkmilləşdirilmiş kamera və daha kiçik Dynamic Island olacaq. Qatlanan modelin isə “iPhone Ultra” adı ilə təqdim ediləcəyi və açıldıqda 7,8 düymlük ekrana sahib olacağı bildirilir.

Yeni Pro modellərinin qiymətinin 100-300 dollar arta biləcəyi də iddia edilir. Qatlanan iPhone-un qiymətinin isə 2 000-2 500 dollar arasında ola biləcəyi gözlənilir.