Rumıniyanın Kluj-Napoka şəhərinin meri iyun ayının sonunda orada keçiriləcək Bədii Gimnastika Çağırış Kuboku mərhələsində Rusiya bayrağının və himninin istifadəsini qadağan edib. Bu addım may ayında Rusiya gimnastlarına öz milli bayrağı və himni ilə yarışmağa icazə verən Beynəlxalq Gimnastika Federasiyasının qərarı ilə ziddiyyət təşkil edir.
"İstərdim ki, bu, çox aydın, birmənalı və heç bir qeyri-müəyyənlik olmadan bilinsin. Rusiya himni Kluj-Napokadakı BT Arena çoxfunksiyalı zalında səsləndirilməyəcək və Rusiya bayrağı bu ölkənin idmançılarını təmsil etmək üçün istifadə olunmayacaq", - deyə mer Emil Bok Facebook-da bildirib.
O, Rusiyanın Ukraynaya qarşı davam edən tammiqyaslı hərbi təcavüzü nəzərə alınmaqla, Avropa Birliyi ölkəsində Rusiya dövlət simvollarının istifadəsini qəbuledilməz hesab etdiyini qeyd edib.
Rusiya hakimiyyəti Rumıniya merinin qərarını tənqid edib. Rusiyanın idman naziri Mixail Deqtyarev bunu Olimpiya Xartiyasının və idmanda siyasi neytrallıq prinsipinin pozulması adlandırıb.
Şəkildə: Rusiyalı gimnast Sofiya İlteriakova 2026-cı il Avropa Çempionatında
DW rus dilində