Bağdadda xəstəxanada partlayış olub, çox sayda ölən və yaralanan var
25-04-2021, 10:03
İraqın paytaxtı Bağdad şəhərinin cənubunda koronaviruslu xəstələr üçün xəstəxanada partlayış və yanğın baş verib.
Trend-in "Baghdad Al Youm" portalına istinadən verdiyi məlumata görə, partlayış və yanğın nəticəsində azı 28 nəfər həlak olub, 50 nəfər isə xəsarət alıb.
Məlumata əsasən, hadisə yerinə 20-dən artıq yanğınsöndürən briqada cəlb edilib. Yanğının söndürülməsi üzrə işlər davam etdirilir.
Bildirilir ki, ölən və yaralananların sayı arta bilər.
