"Microsoft"un təsisçisi və dünyanın ən varlı şəxslərindən biri olan Bill Qeyts atmosferə xüsusi aerozol püskürtməklə Yer kürəsinin süni şəkildə soyudulmasını nəzərdə tutan perspektivli tədqiqatları dəstəklədiyini açıqlayıb.

Bu barədə "Axios" nəşrinə verdiyi müsahibəsində danışıb.

İş adamının sözlərinə görə, aparılan tədqiqat atmosferin yuxarı qatlarına sulfat turşusu hissəciklərinin püskürdülməsini nəzərdə tutur. Alimlər hesab edirlər ki, bu üsul günəş radiasiyasının əhəmiyyətli bir hissəsini kosmosa geri qaytararaq planetin istiləşmə sürətini azalda bilər.