Danimarkanın Baş naziri Mette Frederiksen ABŞ prezidenti Donald Trampı Qrenlandiyanın ələ keçirilməsi ilə bağlı təhdidlərə son qoymağa çağırıb.

“Reuters” xəbər verir ki, bu çağırış Trampın "The Atlantic" jurnalına müsahibəsində Qrenlandiya mövzusuna yenidən toxunmasından sonra səsləndirilib.

Frederiksen bildirib ki, Qrenlandiyanın ABŞ tərəfindən ələ keçirilməsinin zəruriliyi barədə danışmaq tamamilə mənasızdır.

Onun sözlərinə görə, ABŞ-ın Danimarka Krallığının tərkibinə daxil olan üç ölkədən heç birini anneksiya etmək hüququ yoxdur.

Baş nazir vurğulayıb ki, ABŞ tarixən yaxın müttəfiqinə, eləcə də özlərinin satılmadığını açıq şəkildə bəyan etmiş başqa bir ölkəyə və xalqa qarşı təhdidlərə son qoymalıdır.