İngiltərənin “Observer” qəzeti Türkiyənin İŞİD-lə birbaşa təmasda olduğunu iddia edib. Axar.az xəbər verir ki, qəzet may ayında öldürülən İŞİD-in “neft naziri” Əbu Sayyafın qərargahında Türkiyə ilə münasibətləri əks etdirən sənədlər ələ keçirildiyini açıqlayıb. Əbu Səyyafın qərargahında ələ keçirilən kəşfiyyat sənədləri ilə tanış olan Qərb rəsmisinin qəzetə verdiyi məlumata görə, Ankara rəsmiləri İŞİD-lə birbaşa ünsiyyətdə olub: “Yüzlərlə fləş yaddaş və sənəd ələ keçirilib. Bütün sənədlər analiz edilir. Ancaq aradakı bağlantılar indidən o qədər açıq və dəqiqdir ki, bunun Ankara ilə aramızdakı münasibətlərə çox ciddi təsiri olacaq”.