Altı il əvvəl elm adamları kosmosda əhəmiyyətli dalğalanmalar aşkar ediblər. Yalnız indi onlar bu hadisənin başqa bir kainata aparan kosmik dəliyin əmələ gəlməsi ilə əlaqəli olduğunu müəyyənləşdiriblər.

Bu barədə "Futurism" məlumat yayıb.

GW190521 adlı bu hadisənin iki qara dəliyin toqquşması nəticəsində baş verdiyi güman edilir. Bununla belə, Çin Elmlər Akademiyasının tədqiqatçılar qrupu kosmosda daha gözlənilməz hadisələrə şahid ola biləcəyimizə inanır.

Tədqiqatın müəllifləri hesab edirlər ki, kosmik yol başqa bir kainatda qara dəliklərin toqquşmasının əks-sədası kimi yaranıb və müvəqqəti xarakter daşıyır. Bu yolun nə zaman bağlanacağı isə məlum deyil.