“Autizm əlamətləri adətən sıfırdan üç yaşa qədər olan dövrdə özünü büruzə verir”.

Demokrat.az xəbər verir ki, bunu kliniki psixoloq Milana Həsənova “Azərsun Holdinq”in Azərbaycanda ilk inklüziv kafe olan “Kaşalata” ilə əməkdaşlıq çərçivəsində jurnalistlər üçün təşkil olunan təlimdə deyib.

O bildirib ki, autizm erkən uşaqlıq dövründə özünü göstərməli, davamlı xarakter daşımalı və gündəlik həyatı məhdudlaşdırmalıdır:

“Bəzən valideyn düşünür ki, uşaqda hər şey qaydasındadır, lakin sonradan, məsələn 6 yaşda uşağa autizm diaqnozu qoyurlar. Əslində bu, mümkün deyil. Autizm əlamətləri mütləq əvvəldən mövcud olur”.