Smartfon istehsalçıları cihazları artıq bütün komplekt aksesuarlardan məhrum etməyə hazırlaşırlar.

Bu barədə "Android Authority" nəşri xəbər verir.

Bildirilir ki, bu tendensiya 2020-ci ildə "Apple"ın "iPhone" modellərinin qutusundan şarj adapterini çıxarması ilə başlayıb. Daha sonra demək olar ki, bütün böyük istehsalçılar eyni addımı atıblar.

Mütəxəssislərin proqnozlarına görə, yaxın gələcəkdə smartfonların komplektindən şarj kabeli də çıxarıla bilər. Bu addımı ilk reallaşdıran şirkətlərdən biri Yaponiya nəhəngi "Sony" olub. Şirkətin yeni "Xperia 10 VII" modelinin qutusunda yalnız smartfonun özü və sənədlər yer alır.

Ekspertlərin fikrincə, "Sony"nin bu qərarı açıq şəkildə istehsal xərclərinə qənaət məqsədi daşıyır.