Rusiya NATO-nun Qara dənizdə fəallaşmasına cavab olaraq, Qara dənizə əlavə əsgər və müdafiə sistemi yerləşdirəcək.

Avropa.info xəbər verir ki, bu barədə "Novaya Qazeta"ya Rusiya müdafiə nazirliyindəki mənbədən məlumat verilib.

Məlumata görə, bu addım NATO-nun regionda hərbi varlığını artırmaq və Ukrayna ordusunu gücləndirmək təşəbbüslərindən qaynaqlanır.

"Novaya Qazeta"nın hərbi mütəxəssisi donanma komandiri Oleq Şvedkov da NATO-nun regionda Rusiyanın Qara dəniz donanmasından daha güclü olduğunu, bölgəyə daha çox döyüş təyyarəsi və raket əleyhinə müdafiə sistemi yerləşdirmək lazım olduğunu deyib.