“Rusiya-Türkiyə münasibətləri mürəkkəb dönəmini yaşayır. Lakin bütün vəziyyətlərdən hər zaman çıxış yolu var”.
APA-nın Moskva müxbirinin verdiyi məlumata görə, bunu Rusiya Dövlət Dumasının sədri Sergey Narışkin deyib.

S. Narışkin bildirib ki, Türkiyə tərəfi prezident Rəcəb Tayyip Ərdoğanın simasında səmimi şəkildə üzr istəməli, “Su-24” təyyarəsinin vurulmasında günahı olanları cəzalandırmalı və Suriya siyasətinə yenidən baxmalıdır: “İndi bütün dünyaya aydındır ki, Türkiyə tərəfi İŞİD terror təşkilatına təəssüf ki, kömək edib, onlardan neft alaraq terrorçu qrupa dəstək verib. Bu əlbəttə ki, sivil dövlət davranışı ilə bir araya sığmır”.

Qeyd edək ki, Rusiya rəhbərliyi Türkiyə ilə münasibətlərin bərpası üçün daha əvvəl də analoji şərtlər irəli sürmüşdü. Türkiyə rəhbərliyi bu şərtləri rədd edib.