Muktəda Sədr və tərəfdarları cümə günü Bağdadda Yaşıl bölgəyə hücum edib, Abadi hökumətini devirəcək.

Axar.az xəbər verir ki, bu sözləri İraq parlamentinin kürd deputatı Hakim Sərxan Silvani deyib.

“Vəziyyət getdikcə pisləşir. İraqın Baş naziri Heydər Abadi illər ərzində islahatlar həyata keçirmədi. Bu qısa zaman ərzində əsaslı islahatlar necə baş tutacaq?” - Silvani vurğulayıb.

Silvani Muktəda Sədr və tərəfdarlarının cümə günü təşkil edəcəyi mitinq zamanı Abadini devirib, yeni hökumət quracaqlarını bildirib.

Qeyd edək ki, Muktəda Sədr İraqda xüsusi nüfuza malik şiə təriqətli Mehdi Ordusu adlı qrupun lideridir.