Heyvan qaçaqmalçılarının etdikləri polisləri belə təəccübləndirib.

ANS PRESS-in məlumatına görə, İndoneziyada Surabaya şəhərindəki Tanjung Perak Limanında heyvan qaçaqmalçılarına qarşı əməliyyat keçirilib. Yoxlama zamanı burada həm təəccüblü, həm də ürək ağrıdan görüntülər ortaya çıxıb.

Axtarışlar zamanı məlum olub ki, qaçaqmalçılar boş su şüşələrinin içərisinə nadir quşları yerləşdiriblər. Onlar bu üsulla 24 ədəd kakadu tutuquşusu ölkədən çıxararaq satmaq niyyətində olublar.

Tutuquşuların dar su şüşələrində sıxışdırılmış vəziyyəti isə qeyri-qanuni yolla ticarət edənlərin qəddarlığını bir daha sübut edib.
Polislər belə gördükləri mənzərə qarşısında təccüblərini gizlədə bilməyiblər.