Dünən gecə İrəvanda marşrut avtobusunda baş vermiş partlayışın bəzi detalları aydın olub.

Ölkə.Az erməni mediasına istinadən xəbər verir ki, hadisə yerindən tapılmış telefon kartının köməyi ilə hadisəni törədənin şəxsiyyətini müəyyən etmək mümkün olub. Şübhəlinin cəsədi isə partlayışın gücündən tanınmaz hala düşüb.

Partlayışı törətməkdə şübhəli bilinən şəxsin evinə gələn polis isə oradan partlayıcı maddə ilə detonator aşkarlayıb. Həmin şəxsin əvvəllər məhkum olunmuş erməni olduğu bildirilir. Hadisə ətrafında araşdırma hələ başa çatmadığından onun adı və soyadı açıqlanmır.

Xatırladırıq ki, partlayış zamanı iki nəfər ölmüş, bir neçə nəfər isə yaralanmışdı.