Fəxr-i Müdəbbir (təqribən 1157–1236) — Laxor şəhərində yaşamış fars tarixçisidir. Bu onun «Ādāb al-ḥarb wa-l-shujāʿa» əsərindən bir parçadır:
“Hamıya məlumdur ki, bütün xalqlar və təbəqələr öz aralarında və öz vətənlərində yaşadıqları müddətdə hörmət və izzət sahibidirlər; lakin vətəndən kənara çıxdıqda aciz və alçalmış vəziyyətə düşürlər.
Türklər isə əksinə, öz xalqları və öz ölkələri daxilində olduqları zaman digər tayfalar arasında sadəcə bir tayfa sayılır, nə xüsusi hakimiyyətə, nə də yüksək mövqeyə malik olurlar. Lakin öz vətənlərini tərk edib müsəlman torpaqlarına gəldikdə — və vətəndən və qohumlardan nə qədər uzaq olsalar, bir o qədər yüksək qiymətləndirilib hörmət gördükləri halda — əmirlərə və sərkərdələrə (sipah salar) çevrilirlər.
Adəmin yaradıldığı zamandan bu günədək pulla satın alınmış heç bir qul, türklərdən başqa, padşah olmamışdır; və türklərin hökmdarı, fövqəladə müdriklik və elm sahibi olan Afrasiyabın kəlamları arasında belə bir söz də vardır: türk dənizin dibində, sədəfin içində gizlənmiş mirvari kimidir — dənizdə olduğu müddətdə onun dəyəri gizlidir, lakin dənizdən çıxarıldıqda şahların taclarını və gəlinlərin qulaqlarını bəzəyər.”
Kitab: Turkish History and Culture in India, A.Peacock, Richard Piran McClary
Milli Kimlik
TEREF