Səudiyyə Ərəbistanının İranla diplomatik əlaqələrini kəsməsindən sonra Qətər dövləti də Tehrandakı səfirini geri çağırıb.

Publika.az-ın xarici mediaya istinadən verdiyi məlumata görə, Qətər hökuməti ötən həftə Səudiyyə Ərəbistanının İrandakı səfirliyinə edilən hücumu pislədiyini bəyan edib. Eyni zamanda Qətər kralı buna etiraz olaraq İrandakı səfirinin geri çağırılması barədə qərar verib.

Xatırladaq ki, ötən həftə Səudiyyə Ərəbistanının Tehrandakı səfirliyinə edilən hücuma etiraz olaraq Səudiyyə Ərəbistanı ilə yanaşı Bəhreyn, Sudan, Cibuti və Küveyt İrandakı səfirlərini geri çağırıb.