Ölkə.Az "The Times" qəzetinə istinadən xəbər verir ki, Respublikaçılar Partiyasından ABŞ prezidentliyinə namizəd Donald Tramp Avropaya kütləvi miqrasiyanın təhlükəli nəticələr verəcəyini söyləyib.

"Qaçqınların kütləvi surətdə axını həm Avropa İttifaqının dağılması, həm də Avropanın özünün tanınmaz dərəcədə dəyişilməsi ilə nəticələnəcək. Britaniya sakinləri məhz buna görə Brexit üzrə referendum keçirdilər və doğru addım atdılar.

Əgər qaçqınlar olmasaydı, İttifaqın dağılmasından söhbət getməzdi. Lakin insanlar qaçqınların əlindən cana doyublar. Tezliklə bütün ölkələr Britaniyadan nümunə götürəcəklər", - deyə o vurğulayıb.