“Sizinyol” ərəb KİV-nə istinadən xəbər verir ki, Səudiyyə Ərəbistanının baş müftisi Şeyx Əbdüləziz Al əl-Şeyx Həcc mərasimində ölənlərə rəhmət diləmək əvəzinə həyasızcasına onların cəhənnəm əhli olduğunu söyləməyə çalışıb. Belə ki, müfti həlak olanların ailələrinə baş sağlığı belə vermədən deyib ki, “onlar bilərəkdən ölümə gediblər və müqəddəs məkanlarda bu cür ölüm intihardır.”
Ali Səud müftisi, KİV-ə açıqlamasında Səudiyyə rejiminin qanunlarının qüsursuz olduğunu iddia edib və deyib: “Bəziləri müqəddəs məkanlarda bilərəkdən ölməyə can atırlar. Onlar belə məkanlarda ölməyin bir fəzilət olduğunu düşünür. Amma səhv edirlər! Bu cür, bilərəkdən özünü öldürmək cinayətdir.”
Bildiyiniz kimi İslam insanın intihar etməsini haram bilir və bu əməli sərt şəkildə tənqid edir. “Alim” bu sözləri ilə bir növ sanki həlak olan 2000-dən çox hacının cənnət yox, cəhnnəm əhli olduğunu dilə gətirmək istəyib.