13 fevral 2004-cü ildə Qətərdə Çeçenistanın keçmiş vitse-prezidenti Zəlimxan Yandarbiyev qətlə yetirildi. Polis Dohada ezamiyyətdə olan Rusiyalı kəşfiyyat zabitləri A. Yabloçkov və V. Puqaçevi, həmçinin səfirliyin birinci katibi A. Fetisovu həbs etdi. Fetisov Moskvada saxlanılan iki Qətər güləşçisi ilə dəyişdirildi. Onlardan biri Qətər Olimpiya Yunan-Roma güləş komandasının üzvü, 29 yaşlı Azərbaycan əsilli İbad Əhmədov idi. Belarusda yaşayaraa SSRİ və gənclər arasında dünya çempionu olmuşdu. İki il əvvəl yaşayış icazəsi aldıqdan sonra Qətərə köçmüşdü. Serbiyadakı turnirə tranzit uçuş Moskvada Şeremetyevo-2 hava limanında yarımçıq qaldı. İbadı iki həftədən çox Lefortovo həbsxanasında saxladılar. Qətər səfiri onu ziyarət etdi və tezliklə azadlığa çıxacağına söz verdi. Azad edilən kimi Qətər əmiri onu götürmək üçün şəxsi təyyarəsini göndərdi. İbad Əhmədovu isə ən çox yandıran, Olimpiadaya vəsiqə qazanmaq şansı olan turnirə gedə bilməməsi oldu.
Эльдар Тагиев