Misirin Hurqada vilayətinin şərqində 5,2 bal gücündə zəlzələ baş verib.

Axar.az xəbər verir ki, bununla bağlı Misirin Astronomiya və Geofizika İnstitutu məlumat yayıb. Qeyd olunub ki, yeraltı təkanlar ölkənin Qırmızı dəniz bölgəsi və Yuxarı Misir bölgələrində də hiss olunub. Dağıntı və tələfat barədə məlumat verilməyib.

Qeyd edək ki, 1992-ci ildə Misirin bu bölgəsində baş vermiş 5,6 bal zəlzələ nəticəsində 541 nəfər həyatını itirmişdi.