Tibbi sığortada yığımlar azaldı, ödənişlər artdı
Bu gün, 15:24
2026-cı ilin yanvar-aprel ayları ərzində tibbi sığorta üzrə 75 milyon 736 min manat sığorta haqqı toplanıb.
Valyuta.az xəbər verir ki, bu göstərici ötən ilin eyni dövrü ilə müqayisədə 1 milyon 268 min manat və ya 1,6% azdır.
Belə ki, 2025-ci ilin yanvar-aprel aylarında tibbi sığorta üzrə 77 milyon 4 min manat sığorta haqqı toplanmışdı.
Hesabat dövründə tibbi sığorta üzrə 29 milyon 752 min manat ödəniş həyata keçirilib.
Bu isə illik müqayisədə 2 milyon 965 min manat və ya 11,1% artım deməkdir.
Ötən ilin eyni dövründə bu növ sığortalar üzrə 26 milyon 787 min manat ödəniş edilmişdi.
