Beynəlxalq Şahmat Federasiyası (FIDE) "Norway Chess" turnirinin təşkilatçılarının yeni dünya çempionatına başlamaq təşəbbüsünü qəbul edib.

FIDE saytı xəbər verir ki, yarış klassik və sürətli şahmatı birləşdiriləcək.

Dünya birinciliyinə təqvim ilində planetin müxtəlif şəhərlərində keçiriləcək dörd turnir daxil olacaq. Yarışların yekunu üzrə klassik, blits və sürətli şahmat üzrə ümumi çempion müəyyənləşəcək.

Turnirin ümumi mükafat fondu ildə 2.7 milyon dollar təşkil edəcək. Şahmatçılar ilk üç turnirin hər birində 750 min dollar, finalda isə əlavə 450 min dollar uğrunda mübarizə aparacaqlar.

Gələn ilin payızında sınaq turnirinin keçirilməsi, ilk tam mövsümün isə 2027-ci ildə başlaması planlaşdırılır.