Böyük Britaniyada məhkəmə "Çelsi"nin ukraynalı futbolçusu Mixail Mudrikə yenidən avtomobil idarə etməyi qadağan edib, həmçinin cərimələyib.

Moderator.az bu barədə "Sovsport" nəşrinə istinadən xəbər verir.

Bildirilir ki, Mudrikə sentyabrda avtomobil idarə etmək qadağan edilmişdi. Lakin buna baxmayaraq o, sükan arxasına oturub. Buna görə də futbolçu bir il davam edəcək başqa bir qadağaya məruz qalıb.

Həmçinin məhkəmə Mudrikə 60 saat ictimai iş və 199 funt sterlinq məbləğində cərimə təyin edib.

Xatırladaq ki, Mudrik son zamanlar "Çelsi"nin oyunlarda iştirak etmir. Keçən ilin sonunda məlum olmuşdu ki, ukraynalı futbolçunun dopinq testində qadağan olunmuş maddə aşkarlanıb.