Mali millisinin Afrika Millətlər Kubokunda qalib olacağına zəmanət verərək 39 min dollar toplayan Sinayoqo adlı şəxs komandanın dörddəbir finalda Seneqala uduzmasından sonra azarkeşlərin hücumuna məruz qalıb.

Moderator.az xarici mediaya istinadən xəbər verir ki, Sinayoqo hadisədən sonra polis tərəfindən saxlanılıb.

"Malidə belə əməllər qanunla cəzalandırılır. Ancaq komanda turnirdən kənarlaşmazdan əvvəl onun saxlanılması çətin olardı", - deyə Mali təhlükəsizlik xidmətinin açıqlamasında bildirib

Qeyd edək ki, Mali milli komandası son illərdə Afrika futbolunda inkişaf edən komandalardan olsa da, hələ də Afrika Millətlər Kubokunu qazana bilməyib.