Korrekt.az xəbər verir ki, Britaniyanın “The Guardian” qəzetinin məlumatına görə, Konstantin Sokolov Ermənistandan keçən TRIPP + ticarət layihəsinin rəhbəri təyin olunacaq. Qəzetin məlumatına görə, ABŞ Dövlət Departamenti təyinatı ötən cümə günü təsdiqləyib.

“Rusiya doğumlu, Çikaqoda yaşayan özəl kapital investoru Konstantin Sokolov Dövlət Departamentinin yeni vençur fonduna sədrlik edəcək. Fondun Mərkəzi Asiya ticarət dəhlizi üçün 200 milyon dollardan çox vəsaitə, o cümlədən nəqliyyat, enerji infrastrukturu və əsas minerallara investisiyalara nəzarət edəcəyi gözlənilir”, – deyə nüfuzlu nəşr yazıb və Sokolovun əvvəllər heç bir dövlət vəzifəsi olmadığını əlavə edib.