Uran müasir dövrdə teleskop vasitəsilə kəşf edilən ilk planetdir. O, 1781-ci ildə Vilyam Herşel (William Herschel) tərəfindən müşahidə olunmuş və əvvəlcə kometa kimi qiymətləndirilmişdi.
Daha sonra aparılan hesablamalar onun Günəş ətrafında orbitə malik bir planet olduğunu göstərdi və bu kəşf Günəş sisteminin sərhədlərini ilk dəfə genişləndirdi.
Herşel əvvəlcə bu yeni səma cisminə İngiltərə kralı George III-ün şərəfinə “Georgium Sidus” (yəni “Corcun ulduzu”) adını vermək istəmişdi. Lakin bu ad beynəlxalq elmi ictimaiyyət tərəfindən qəbul edilmədi.
Nəticədə planetə qədim yunan mifologiyasında səma tanrısı olan Uran adı verildi və bu ad astronomiyada ümumi qəbul gördü.
Bu hadisə sadəcə bir kəşf deyildi. Uranın kəşfi insanın teleskop vasitəsilə kainatı genişləndirməsinin ilk böyük uğuru idi. Ondan əvvəl məlum olan bütün planetlər (Merkuri, Venera, Mars, Yupiter, Saturn) qədim dövrlərdən bəri çılpaq gözlə bilinirdi.
@nebioglu_ibrahim