Bu ilin yanvar-aprel aylarında Azərbaycanın Rusiya ilə ticarət dövriyyəsinin ümumi həcmi ötən ilin eyni dövrü ilə müqayisədə azalıb.

Valyuta.az xəbər verir ki, bu barədə Dövlət Gömrük Komitəsi məlumat yayıb.

Məlumata görə, 2026-cı ilin ilk 4 ayında Azərbaycan ilə Rusiya arasında ticarət dövriyyəsinin ümumi həcmi 1 milyard 041 milyon 549,98 min manat təşkil edib.

2025-ci ilin müvafiq dövründə isə bu göstərici 1 milyard 823 milyon 708,10 min manat olub.

Beləliklə, Rusiya ilə ticarət dövriyyəsi illik müqayisədə 782 milyon 158,12 min manat və ya 42,89% azalıb.

Bu ilin aprel ayında Azərbaycanın ümumi ticarət dövriyyəsində Rusiya ilə ticarətin payı 5,98% təşkil edib.