Ermənistan AB-yə üzvlüklə bağlı ilk addım olaraq yaxın gələcəkdə rəsmi müraciət edəcək.
Bunu Ermənistan Baş naziri Nikol Paşinyan parlamentdə hökumətin 2026-2031-ci illər üçün proqramını təqdim edərkən deyib.
“İlk növbədə Ermənistanın Avropa İttifaqına üzvlük üçün rəsmi müraciət etməsi lazımdır”, – deyən Paşinyan prosesdən sonra yol xəritəsinin hazırlanacağını bildirib.
Paşinyan “Bu prosesə yaxın gələcəkdə başlaya bilərik” deyə qeyd edərək, Ermənistanın AİB-dəki tərəfdaşlarının tələblərinin və narahatlıqlarının da nəzərə alınacağını bildirib.
Ermənistanın Baş naziri AB-yə üzvlük məsələsində yekun mərhələyə gəlinəcəyi təqdirdə xalq səsverməsinin keçirilməsinin mümkün olduğunu da əlavə edib.
Xatırladaq ki, Ermənistan parlamenti 26 mart 2025-ci ildə ölkənin AB-yə qoşulması prosesinin başlanmasını nəzərdə tutan qanun layihəsini qəbul edib. Moskva isə İrəvanın Avropa ilə daha sıx inteqrasiyasının Rusiyanın rəhbərlik etdiyi Avrasiya İqtisadi Birliyinə (AİB) üzvlüklə uyğun gəlməyəcəyi barədə xəbərdarlığını təkrarlayır.