İraqın Neynəva əyalətinin əl-Biac qəzasında İŞİD terror təşkilatının hərbi təlim qərargahı qarşısında minalanmış avtomaşın partladılıb.

SalamNews-un "al-HadathNews"a istinadla verdiyi xəbərə görə, bu barədə yerli mənbələr məlumat veriblər.

Bildirilib ki, İŞİD qərargahının qarşısında bir kamikadze tərəfindən həyata keçirilən partlayışda aralarında İŞİD-in yeniyetmə yaşlarında olan üzvləri də daxil olmaqla, ümumilikdə 33 nəfər ölüb.

İŞİD partlayışı planlaşdıranları tutmaq üçün qəzanın girəcəklərini bağlayıb və üzvlərinin cənazələrini Mosula göndərib.

Qeyd edək ki, İŞİD-in nəzarətində olmasına baxmayaraq, Mosul, Təlafir və əl-Biacda Terror təşkilatının üzvlərinə qarşı tez-tez hücumlar olur.