Həkimlər bildirir ki, toyuq yumurtalarının qabığında salmonella bakteriyaları ola bilər. Bu bakteriyalar nəcis izləri və ya infeksiyalı işçilərin çirkli əlləri vasitəsilə yumurtaya keçə bilər.Foodinfo.az bildirir ki, yumurtaları yeməkdən əvvəl yumaq lazımdır. Ancaq mağazadan alandan sonra dərhal bunu etmək lazım deyil. Əks halda, qabığın qoruyucu təbəqəsi zədələnə bilər və bakteriyalar yumurtanın içərisinə keçə bilər. Ən təhlükəsiz üsul isə yumurtaları hər iki tərəfdən qızartmaq və ya bərk qaynatmaqdır. Yumurtanı ən azı 10-15 dəqiqə bişirmək salmonella riskini minimuma endirir.